Minsan hindi dapat tayo sobrang bitter sa mga ex natin. Palagi silang may puwang sa puso natin, kumbaga peklat na hindi na matanggal kahit na gamitan pa ng anumang ointment na nagkalat diyan.
Yan na yan eh, andyan na yan. Nangyari na ang mga hindi inaasahan. Hindi dapat sila dapat siraan. Gusto mo bang iparating sa tao na nagmahal ka ng isang walang kwentang tao? Eh in the first place minahal mo naman ito?
Dapat yung galit sa kanila/kanya binabawasan mo na. Siguro napakadaling sabihin nito dahil ibat-iba naman tayo ng karanasan kung paano tayo iniwan, paano tayo nang-iwan. Masaya man ibalik ang mga nakaraan pero andun na tayo sa puntong kailangan ng paghilumin ang mga sugat. Hindi pa huli ang lahat para maging magkaibigan.
Minsan, hanapin natin yung positive side ng break-ups. Andun yung part na minsan sa buhay natin natuto tayong lumaban, natuto tayong ipaglaban yung ating mga nararamdaman. Natuto tayo mag reason out kung ano sa tingin natin ay tama. At higit sa lahat, nagkaroon ka ng tiyansa na ayusin ang isang naghihingalong relasyon.
After ng lahat ng yan.. Yung mga nararanasan mong sakit sa mga relasyon mong nawala? Magagamit mo in the future yan eh. Mas matalino, mas mapagmahal, mas mature way of pag-iisip kapag nasa relasyon at napakarami pang iba.
Kaya oras na. Para paghilumin. At tanggapin na ang lahat ng bagay na nangyayari sa atin…ay may dahilan.
No comments:
Post a Comment